Chuir A.S Nicola Faganello, Ambasadóir na hIodáile agus A.S an Dochtúir Jilan Wahba Abdalmajid, Ambasadóir Stát na Palaistíne a Litreacha Creidiúna faoi bhráid an Uachtaráin Uí Uigínn ag searmanas in Áras an Uachtaráin.
Ar theacht go hÉirinn dóibh, agus sular féidir leo a gcuid dualgas a chomhlíonadh, ní mór d'Uachtarán na hÉireann fáilte oifigiúil a chur roimh ambasadóirí nua. Tá ambasadóirí creidiúnaithe go hoifigiúil d'Éirinn ón bpointe a nglacann an tUachtarán lena nDintiúr.
Reáchtáiltear Searmanas Bronnta Litreacha na Creidiúna i Seomra Fáiltithe an Stáit in Áras an Uachtaráin. Tar éis an tsearmanais tugtar onóracha míleata lasmuigh den Áras.
