Ar an dara lá dá Chuairt Stáit ar an Nua-Shéalainn, thug an tUachtarán Ó hUigínn cuairt ar Leabharlann Náisiúnta na Nua-Shéalainne, chun an taispeántas ‘He Tohu’ a fheiceáil.
Is taispeántas é sin de thrí dhoiciméad thábhachtacha a mhúnlaigh an Nua-Shéalainn (Aotearoa i Maorais):
* An ‘He Whakaputanga o te Rangatiratanga o Nu Tireni’ (Dearbhú Neamhspleáchais Treibheanna Aontaithe na Nua Shéalainne) ó 1835;
* An ‘Te Tiriti o Waitangi’ (Conradh Waitangi) ó 1840;
* An ‘Te Petihana Whakamana Poti Wahine’(Achainí ar Cheart Vótála do Mhná) ó 1893.
Tá sé mar aidhm ag an taispeántas He Tohu ("na Comharthaí"), na trí cháipéis is cáilúla agus is tábhachtaí ó thaobh an bhunreachta de sa Nua-Shéalainn, a chaomhnú ar feadh an 500 bliain amach romhainn.
Tá na trí dhoiciméad coimeádta i gcásanna taispeántais, a bhfuil an t-atmaisféar rialaithe iontu agus iad faoi aláram, sa Leabharlann Náisiúnta.
