"Is le fíor-bhrón a chuala mé faoi bhás an amhránaí Dolores Keane. Amhránaí í a bhain clú agus cáil amach anseo in Éirinn agus ar fud na cruinne lena glór inaitheanta álainn. D'úsáid Dolores a bua nádúrtha féin agus an méid a d'fhoghlaim sí óna beirt aintíní Rita agus Sarah faoi thraidisiún na hamhránaíochta chun a stíl áirid féin a chruthú.
Ba léir óna saothar le De Danann, a cuid oibre aonair, a rannpháirtíocht ar A Woman's Heart agus an iliomad taifeadáin atá chomh haitheanta le ceol na hÉireann go raibh a croí agus a hanam fite fuaite sna hamhráin a chas sí.
Dúirt Nanci Griffith, tráth, go raibh glór beannaithe ag Dolores agus bhí an ceart ar fad aici. Ach is í Dolores féin, lena hionracas, a bheannaigh an glór sainiúil sin agus í á roinnt linne go mórchroíoch.
Gabhaim comhbhrón ó chroí lena mac Joseph, a híníon Tara, a beirt deartháir Seán agus Matt, a deirfiúr Theresa agus le clann Keane ar fad. Comhbhrón freisin libhse uilig atá faoi scamall ag scéal a báis, faoi mar atá mise. Mairfidh Dolores inár gcroíthe agus mairfidh a glór beannaithe choíche. Ar dheis Dé go raibh a hanam dílis."
