Ag searmanas in Áras an Uachtaráin, bronnfaidh an tUachtarán Micheál D. Ó hUigínn Gradaim Luachanna Óglaigh na hÉireann.
Bronntar na gradaim ar bhaill Óglaigh na hÉireann atá ar seirbhís nó ar scor, a léiríonn a n-iompar caighdeáin “an mheasa, na dílseachta, an neamhleithleachais, an mhisnigh fhisiciúil, an mhisnigh mhorálta, agus na macántachta” a mbítear ag súil leo ó bhaill Óglaigh na hÉireann.
Is é Uachtarán na hÉireann Ceannasaí Uachtarach Óglaigh na hÉireann. Dá réir sin is é an tUachtarán a dhéanann oifigigh uile Óglaigh na hÉireann a choimisiúnú, ach faoi fhorálacha an Achta Chosanta 1954, déanann an Rialtas ceannas míleata a fheidhmiú tríd an Aire Cosanta, a dhéanann Óglaigh na hÉireann a bhainistiú agus a shrianadh.
