Seolfaidh an tUachtarán Ó hUigínn Gaillimh 2020 Príomhchathair Chultúir na hEorpa go hoifigiúil ag searmanas oscailte tráthnóna Dé Sathairn 8 Feabhra 2020.
Beidh ceiliúradh saor in aisce amuigh faoin aer le tine, mórshiúlta agus ceol agus foireann tarraingthe ó phobail ar fud Chontae na Gaillimhe.
Tá an clár bliana bunaithe ar cheithre shéasúr i bhféilire ársa na gCeilteach in Éirinn agus cuirfear tús leis ar an 1 Feabhra, a dtugtar Imbolc go traidisiúnta air, féile ársa phágánach a sheasann do thús an earraigh.
Osclófar gach aon cheann de cheithre shéasúr an chláir le féile thine, a léireoidh traidisiún na hÉireann nuair a dhéantaí an séasúr nua a cheiliúradh le tine.
