Thug an tUachtarán Micheál D. Ó hUigínn an t-aitheasc oscailte ag comhdháil cheiliúrtha Lá Náisiúnta na bhFágálaithe Cúraim.
Ina aitheasc, thug an tUachtarán moladh do na daoine go léir a bhfuil an cúram á fhágáil ina ndiaidh acu in Éirinn, agus do na heagrais, leithéidí EPIC agus Fágálaithe Cúraim na hÉireann, as daoine óga a chumasú lena gceart chun páirt a ghlacadh i ndíospóireachtaí agus i gcinntí maidir lena bhfuil i ndán dóibh a dheimhniú.
Labhair an tUachtarán chomh maith faoin misneach agus faoin tiomantas a theastaíonn ó dhaoine óga agus agus a léiríonn siad agus iad ag fágáil an chórais chúraim ina ndiaidh; agus chuir sé i gcuimhne do na rannpháirtithe an dualgas atá orainn sochaí a thógáil a thugann aitheantas do dhínit dhúchasach a ball go léir, agus a thugann cead cainte do dhaoine leochaileacha agus do dhaoine atá faoi mhíbhuntáiste.
Is féidir téacs iomlán aitheasc an Uachtaráin a léamh trí chliceáil ar an nasc thíos.
