Thug an tUachtarán cuairt ar Champas Coinneála Páistí Bhaile an Oibricigh, chun gradaim Ghaisce a bhronnadh ar dhaoine óga a bhfuil an clár curtha i gcrích acu.
Soláthraíonn an t-ionad coinneála seirbhísí oideachais agus athshlánúcháin do dhaoine óga ar chuir na cúirteanna pianbhreith orthu nó a d'athchuir siad faoi choimeád iad, agus tá sé ar cheann de na hionaid choinneála a thugann deis do dhaoine páirt a ghlacadh sa chlár Gaisce.
Is clár é Gaisce, 'an t-éacht mór', inar féidir le daoine óga sraith dúshlán pearsanta a leagan amach dóibh féin, a mbíonn tairbhe ann dóibh féin agus dá bpobal.
