"Ní faoi ghradaim atá na Scoileanna Saoránachta Domhanda. Is faoi thiomantas scoil ar bith in Éirinn braistint an cheartais, mothúchán an chomh-mhuintearais, suim i gcúrsaí an domhain mhóir agus fonn cúram a dhéanamh dá gcomhshaol nádúrtha a chothú ina cuid daltaí atá siad."
Ar an 31 Bealtaine, sheol an tUachtarán Micheál D. Ó hUigínn an tionscadal 'Scoil Saoránachta Domhanda', a chuireann ceachtanna agus acmhainní teagaisc eile ar fáil do scoileanna atá ag iarraidh ceisteanna forbartha domhanda a chuimsiú ina gcuraclam.
"Is libhse, páistí an lae inniu, a bhaineann an t-aonú haois is fiche. Is oraibhse atáimid ag brath le cúram níos fearr a dhéanamh don Domhan ná mar a rinne mo ghlúinse, agus domhan níos cothroime a thabhairt le hoidhreacht ag an gcéad ghlúin eile, inar féidir le gach duine saol sona agus síochánta a chaitheamh."
