Déanfaidh Le Chéile Cois Life stair shóisialta Bhaile Átha Cliath a ríomh ón tréimhse Ghaelach go dtí an lá atá inniu ann trí mheán an cheoil, na hamhránaíochta agus na filíochta.
I mbun taibhithe beidh Des Geraghty, an píobaire uilleann Mick O'Brien, fidléir agus cumadóir Máire Breatnach, the Dublin Lasses, Antaine Ó Faracháin, Noel O'Grady, Jerry O'Reilly, Seán Ó hEarcáin agus Liam Mac Mathúna, Ollamh Emeritus le Gaeilge in UCD.
Is féile idirnáisiúnta Ghaeilge í Seachtain na Gaeilge a reáchtáiltear ar bhonn bliantúil in Éirinn agus thar lear. Tá sí ar an gceiliúradh is mó dár dteanga agus dár gcultúr dúchais atá ann.
Tá a théarma oifige úsáidte ag an Uachtarán Ó hUigínn chun an Ghaeilge a chur chun cinn. I rith a shaoil ghairmiúil, thacaigh an tUachtarán Ó hUigínn leis an nGaeilge agus bhí sé ar dhuine de na tiománaithe taobh thiar de bhunú Theilifís na Gaeilge, TG4 mar atá anois.
Is féidir teachtaireacht an Uachtaráin do Sheachtain na Gaeilge 2023 a léamh anseo:
