Thug an tUachtarán Micheál D. Ó hUigínn cuairt ar imeacht tionscnaimh Scileanna Éireann Beo san RDS i mBaile Átha Cliath.
Reáchtálann an t-imeacht na Babhtaí Ceannais Scileanna Náisiúnta – comórtas de 20 scil éagsúil, agus téann na buaiteoirí i ngach scil ar leith ar aghaidh ar son na hÉireann chuig an gComórtas Scileanna Domhanda sa Rúis.
Thar na blianta tá fáilte curtha ag an Uachtarán Ó hUigínn roimh an iliomad rannpháirtithe Éireannacha sa Chomórtas Scileanna Domhanda – comórtas ar thug an tUachtarán “Cluichí Oilimpeacha na ceardaíochta agus na printíseachta” air – chuig Áras an Uachtaráin.
Ar na hócáidí sin labhair an tUachtarán faoin tábhacht a bhaineann leis an luach céanna a chur ar ábhair acadúla agus ghairmeacha inár gcóras oideachais.
