Sheol an tUachtarán Ó hUigínn Tionscadal Scoileanna Lumpar i Scoil Náisiúnta Mhuire Thaobh an Bhóthair sa Chloigín Gorm, Baile Átha Cliath.
Tionscnamh is ea Tionscadal Scoileanna Lumpar de chuid Coiste Cuimhneacháin d’Íospartaigh an Ghorta Mhóir (CCIFV), atá ag obair le Glens of Antrim Potatoes chun síol prátaí a chur ar fáil do gach scoil in Éirinn. Spreagtar scoileanna rannpháirteacha chun prátaí Lumpar a chur, mar bhealach chun cuimhneamh ar íospartaigh an ghorta sna 1840idí.
Tá Coiste Cuimhneacháin d’Íospartaigh an Ghorta Mhóir agus an tUachtarán Ó hUigínn ar aon intinn nár cheart dearmad a dhéanamh orthu siúd atá ag fulaingt ón ocras, ón mbochtaineacht, ón gcoimhlint agus ón aslonnú óna dtíortha féin agus cuimhneachán á dhéanamh ar íospartaigh an Ghorta Mhóir.
Chun léargas a fháil ar smaointe an Uachtaráin faoin nGorta Mór, féach ar https://president.ie/ga/diary/details/president-and-sabina-visit-famine-museum-in-strokestown-house
