Bualadh an tUachtarán le Virginia Teehan, Príomhoifigeach Feidhmiúcháin nuacheaptha na Comhairle Oidhreachta.
Bunaíodh an Chomhairle Oidhreachta mar chomhlacht reachtúil chun cur chuige comhtháite maidir leis an oidhreacht a chur chun cinn, agus freagrachtaí i dtaca le gnéithe an chultúir agus an dúlra san áireamh.
Sa bhliain 1993, aistríodh an Chomhairle Oidhreachta Náisiúnta ó Roinn an Taoisigh chuig an roinn nua, An Roinn Ealaíon, Cultúir agus Gaeltachta, nuair a bhí Micheál D. Ó hUigínn ina Aire. Cheap an tUachtarán Ó hUigínn an chéad Chathaoirleach ar an gcomhlacht reachtúil. Ó shin i leith bhunaigh an Chomhairle Oidhreachta gréasán d’Oifigigh Oidhreachta sa chuid is mó de chontaetha na hÉireann agus leithdháileadh níos mó ná €18 milliún mar dheontais do na céadta tionscadal ar fud na tíre.
